بالی ووڈ اداکار عرفان خان نے اپنے آخری دنوں میں بڑے بیٹے بابیل خان سے معذرت کی تھی جس کی وجہ سامنے آگئی ہے۔

بابیل خان نے اپنے حالیہ انٹرویو میں یہ انکشاف کیا کہ اُنہوں نے اپنے والد عرفان خان سے ایک سوال کیا تھا۔

اُنہوں نے کہا کہ میرے والد کی زندگی کے آخری دن تھے، میں اُن کے پاس گیا اور اُن سے سوال کیا کہ آپ میرے اسکول کے ڈراموں میں شرکت کیوں نہیں کرتے تھے؟

جواب میں والد نے مجھ سے پوچھا کہ آپ ابھی تک اس پر پھنسے ہوئے ہیں؟

بابیل خان نے بتایا کہ والد کی آنکھوں میں آنسو آگئے اور مجھ سے معذرت کی اور کہا مجھے افسوس ہے کہ میں آپ کے اسکول کے ڈراموں میں شرکت نہیں کرسکا۔

خیال رہے کہ عرفان خان کا انتقال اپریل 2020 میں کولون انفیکشن سے ہوا تھا۔

ان کو مارچ 2018 میں نیورو اینڈوکرائن کینسر کی تشخیص ہوئی تھی جس کے بعد وہ کینسر کے علاج کے لیے لندن منتقل ہوگئے تھے۔

اداکار نے اپنے فلمی کیریئر میں بالی ووڈ کی 100 سے زائد فلموں میں کام کیا جن میں پیکو، مقبول، حاصل اور پن سنگ تومر جیسی کامیاب فلمیں شامل ہیں۔

ان کی ہالی ووڈ فلموں میں لائف آف پائی، جراسک ورلڈ، سلم ڈاگ ملینیئر اور دی ایمزنگ اسپائیڈرمین شامل ہیں۔