پاکستان کی معروف اداکارہ صبا قمر کا نیا انداز سوشل میڈیا پر وائرل ہو گیا ہے۔

صبا قمر نے فوٹو اینڈ ویڈیو شئیرنگ ایپ انسٹاگرام پر اپنی تصویر پوسٹ کی ہے جو دیکھتے ہی دیکھتے سوشل میڈیا کی زینت بن گئی۔

اداکارہ کی تصویر میں دیکھا جاسکتا ہے کہ وہ مغربی لباس زیب تن کی ہوئی ہیں جو انکی خوبصورتی میں مزید اضافہ کررہا ہے۔

صبا قمر کے مداحوں کی جانب سے انکی تصویر پر تبصروں کا سلسلہ بھی جاری ہے۔

اس سے قبل سوشل میڈیا سائٹ انسٹاگرام پر اداکارہ کی تصاویر پوسٹ کی گئی تھیں۔

شئیر کی گئی تصاویر میں انہیں اسکرٹ پہنے گھومتے ہوئے دیکھا گیا تھا۔

گزشتہ دنوں اداکارہ صبا قمر نے نجی ٹی وی سے گفتگو کرتے ہوئے یہ انکشاف کیا کہ انہیں بالی وڈ سپر اسٹار دیپیکا پڈوکون کے ہمراہ فلم میں کام کی پیشکش کی گئی تھی جس کے لئے انہوں نے صاف انکار کر دیا تھا۔

صبا قمر نے کہا کہ ماضی میں مجھے بالی وڈ مووی لو آج کل میں گاؤں کی لڑکی کا کردار ملا تھا لیکن مجھے یہی لگا کہ یہ کردار دیپیکا کے مقابلے میں ایک چھوٹا کردار ہوگا، اس لیے میں نے یہ کردار کرنے سے انکار کردیا تھا۔

انہوں نے کہا کہ میں خود کو محب وطن فنکارہ سمجھتی ہوں، ہم سب نے یہ ملک بہت قربانیوں کے بعد حاصل کیا ہے، ملک سے باہر ہمیں خود کو پاکستان کا سفیر سمجھنا چاہئیے اور ایک لیول پر پاکستان کی نمائندگی کرنی چاہئیے۔

صبا قمر کا کہنا تھا کہ اگر اداکار کو کاسٹ کرتے وقت دوستیاں نہ نبھائی جائیں تو نتائج اور بہتر ہوسکتے ہیں تاکہ ہر کسی کو اس کی صلاحیتوں کے مطابق کام مل سکے۔

انہوں نے بتایا کہ کیرئیر کے آغاز میں انہیں فلم میں کام کی بہت اچھی آفرز ہوئیں، لالی وڈ سے سید نور، جاوید شیخ اور بالی وڈ میں راکیش مہرہ اور امتیاز علی نے مجھے کئی بار فلم کی آفر کی تھی۔

اداکارہ نے یہ بھی انکشاف کیا کہ ماضی میں مجھے گھر والوں کی جانب سے کام کی اجازت نہیں ملی، اسی لیے فلمیں نہ کرسکی لیکن اب صورت حال مختلف ہے، میں خود کو اب میچور سمجھتی ہوں اور اچھے برے کی پہچان بھی ہو گئی ہے۔