پاکستان کی معروف گلوکارہ و اداکارہ حدیقہ کیانی کی لائیو پرفارمنس کے دوران  اسٹیج پر ایک چھوٹی بچی آگئی جس کی ویڈیو سوشل میڈیا پر وائرل ہو گئی ہے۔

حدیقہ کیانی نے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی ہے۔

وائرل ویڈیو میں دیکھا جاسکتا ہے کہ لائیو پرفارمنس کے دوران جیسے ہی بچی اسٹیج پر آئی تو حدیقہ کیانی سمجھیں کہ وہ شاید کھو گئی اور انہوں نے پوچھا کہ ماں کہاں ہے ؟

بعد ازاں حدیقہ کیانی نے اسے گود میں اٹھا لیا اور پھر ایسے ہی اپنی پرفامنس دوبارہ شروع کر دی۔

ویڈیو شئیر کرتے ہوئے انہوں نے لکھا کہ ایک چھوٹی سی پیاری ننھی پری نے مجھے پرفارمنس کے دوران اسٹیج پر جوائن کیا اور میرے گانے میں میری مدد کی ،من دی موج وچ۔

سوشل میڈیا صارفین اس ویڈیو کو دیکھ کر گلوکارہ کی تعریفیں کر رہے ہیں۔

واضح رہے کہ حدیقہ کیانی نے گلوکاری کے ساتھ ساتھ اداکاری میں بھی نام کمایا ہے ۔