پاکستان کے معروف اداکار احسن خان نے اپنی نئی آنے والی فلم رہبرا کا ٹیزر مداحوں کے ساتھ شیئر کیا ہے۔

اداکار کی جانب سے فوٹو اینڈ ویڈیو شیئرنگ ایپ انسٹاگرام پر نئی فلم رہبرا کا ٹیزر شیئر کیا گیا ہے جو کہ محبت، خوشی، غم، تھرل اور ایکشن سے بھرپور مناظر پر مبنی ہے۔

اُنہوں نے فلم کا ٹیزر شیئر کرتے ہوئے لکھا کہ غیر متوقع چیز کی توقع رکھیں کیونکہ زندگی حیرت انگیز چیزوں سے بھری ہوئی ہے۔

اداکار نے لکھا کہ وہ اپنے مداحوں کو سنیما گھروں میں سرپرائز دینے کے لیے تھوڑا انتظار کررہے ہیں۔

یاد رہے کہ اس فلم میں احسن خان کے ہمراہ اداکارہ عائشہ عمر بھی بڑی اسکرین پر اداکاری کے جوہر دِکھاتی نظر آئیں گی۔

احسن خان کی اس فلم کا ٹریلر عید الفطر پر لانچ کیا جائے گا جبکہ سینما گھروں میں یہ فلم 24 جون کو ریلیز کی جائے گی۔