پاکستان کی خوبرو اداکارہ حبا بخاری نے بتادیا کہ ان کے شوہر نے شادی سے پہلے کیسے ان کا دل جیتا تھا؟

سوشل میڈیا سائٹ انسٹاگرام پر ایک ویڈیو کلپ وائرل ہو گیا ہے جس میں دیکھا جاسکتا ہے کہ اداکارہ حبا بخاری اور ان کے شوہر و اداکار آریز احمد نے نجی ٹی وی چینل کے ایک شو میں شرکت کی۔

شو کے دوران میزبان نے حبا بخاری سے سوال پوچھا کہ آریز احمد نے ان کے دل میں کیسے جگہ بنائی؟

جس کے جواب میں اداکارہ نے بتایا کہ ایک ڈرامے کی شوٹنگ کے دوران مسلسل کام کی وجہ سے آرام کا وقت نہیں مل رہا تھا ایسے میں میری نیند پوری نہیں ہوئی تھی اور آدھے گھنٹے کا بریک ملا۔

اداکارہ نے بتایا کہ میں نے سوچا تھوڑی دیر سو جاتی ہوں لیکن ساتھ ہی پروڈیوسر آگئے اور کہا کہ اگلا سین بھی آپ کا ہی ہے جس پر میں نے ان سے پوچھا کہ کس کے ساتھ ہے انہوں نے کہا کہ آریز کے ساتھ ہی ہے میں اٹھی اور تیار ہوگئی کافی وقت گزر گیا لیکن آریز باتھ روم سے واپس نہیں آیا۔

انہوں نے بتایا کہ کافی وقت گزرنے کے جب وہ آیا تو میرے پوچھنے پر کہا کہ میں اندر وقت اس لیے لگا رہا تھا تاکہ آپ سو جاﺅں اور باہر سب کو لگے گا کہ دیر میری وجہ سے ہو ئی ہے۔

حبا بخاری کا کہنا تھا کہ آریز احمد کی اس بات نے مجھے بہت متاثر کیا اور میری دلچسپی ان میں مزید گہری ہو گئی۔

واضح رہے کہ اداکارہ حبا بخاری اور آریز احمد رواں سال جنوری میں شادی کے بندھن میں بندھے ہیں۔