پاکستان میں قوالی کے فن کو بامِ عروج تک پہنچانے والے استاد غلام فرید صابری کو مداحوں سے بچھڑے 28 برس بیت گئے۔

غلام فرید 1930 میں بھارتی صوبے مشرقی پنجاب میں پیدا ہوئے، قوالی کی باقاعدہ تربیت اپنے والد عنایت صابری سے حاصل کی،سن 70 اور 80 کی دہائی ان کے عروج کا سنہری دور تھا۔

مرحوم نے بھر دو جھولی میری یا محمدﷺ جیسی قوالی گا کر دنیا بھر میں اپنے فن کا لوہا منویا۔

بعد ازاں غلام فرید صابری اور ان کے بھائی مقبول صابری جوڑی کی صورت میں قوالیاں پیش کرنے لگے اور دس برس تک ان کا کوئی ہم پلہ نہ تھا۔

انہیں 1978 میں حکومت پاکستان کی طرف سے صدارتی ایوارڈ برائے حسن کارکردگی سمیت متعدد عالمی ایوارڈز سے بھی نوازا گیا۔

غلام فرید 5 اپریل 1994 کوحرکت قلب بند ہونے کی وجہ سے خالق حقیقی سے جاملے لیکن وہ شائقین کے دلوں میں آج بھی زندہ ہیں۔