بولی وڈ اداکارہ کرینہ کپور خان کو پیر کے روز ایک غیر متوقع واقعے کا سامنا کرنا پڑا، جب ایک رپورٹر ان کی کار سے زخمی ہو گیا۔

یہ حادثہ ان کی دوست ملائکہ اروڑہ کی رہائش گاہ کے باہر پیش آیا، کرینہ حالیہ روڈ ایکسیڈنٹ میں زخمی ہونے والی ملائکہ سے ملنے جا رہی تھیں۔

ملائیکہ کی رفہائش گاہ سے باہر نکلتے ہوئے کرینہ نے ہمیشہ کی طرح اپنے ارد گرد کیمروں کو منڈلاتے پایا۔

اس سے پہلے کہ وہ اپنی کار میں داخل ہوتیں، ان کی گاڑی ایک فوٹوگرافر کی ٹانگ سے ٹکرا گئی۔

فوٹوگرافر کی درد بھری چیخ سن کر کرینہ نے اپنے ڈرائیور کو چیخ کر کہا، “سنبھالو یار،  پیچھے جا یار۔”

آن لائن گردش کرنے والی ویڈیو میں اداکارہ کو اپنے اردگرد موجود پیپارازیز کو یہ کہتے ہوئے بھی سنا جاسکتا ہے کہ “تم لوگ بھاگا مت کرو یار۔ کیوں بھاگ رہے ہیں؟

خیال رہے کہ ملائکہ اروڑہ ہفتے کے روز ممبئی پونے ایکسپریس وے پر کار حادثے کا شکار ہوگئی تھیں۔ حادثہ اس وقت پیش آیا جب تین گاڑیاں آپس میں ٹکرا گئیں۔

ملائکہ اپنی رینج روور میں تھیں جو درمیان میں تھی۔ پولیس فی الحال واقعے کی تحقیقات کر رہی ہے۔

ملائکہ مبینہ طور پر ایک فیشن ایونٹ میں شرکت کے بعد پونے سے واپس آرہی تھیں۔ انہیں معمولی چوٹیں آئی ہیں اور فی الحال وہ اپنے گھر میں صحت یاب ہو رہی ہیں۔

تب سے، کئی بولی وڈ ستارے اور ان کے دوست ان سے ملنے آتے رہے ہیں۔

ان کے بوائے فرینڈ ارجن کپور کو بھی پیر کو ملائکہ کی رہائش گاہ پر دیکھا گیا تھا۔

ملائکہ کی چھوٹی بہن امریتا اروڑا نے ہندوستان ٹائمز کو بتایا کہ “وہ گھر پر ہیں اور  صحتیاب ہورہی ہیں. وہ چند دنوں میں بالکل ٹھیک ہو جائیں گی۔”