پاکستانی نژاد کینیڈین یوٹیوبر اور کامیڈین زید علی نے اپنی اہلیہ اور بیٹے کے ہمراہ رمضان کے بابرکت مہینے میں عُمرے کی سعادت حاصل کرلی۔

انہوں نے فوٹو اینڈ ویڈیو شئیرنگ ایپ انسٹاگرام اکاؤنٹ پر اپنے بیٹے کی کچھ تصاویر شیئر کیں جوکہ مسجد نبویﷺ میں لی گئی ہیں۔

اس پوسٹ کو شئیر کرتے ہوئے زید علی نے لکھا کہ اس ماہِ رمضان، اللّہ تعالیٰ نے ہمیں اپنے گھر بلایا۔

انہوں نے اللّہ تعالیٰ کا شُکر ادا کرتے ہوئے لکھا کہ الحمداللّہ، ہم نے عمرے کی سعادت حاصل کرلی ہے۔

یاد رہے کہ زید علی نے اگست 2017ء میں یمنیٰ سے شادی کی تھی اور اس جوڑے کے ہاں گزشتہ برس بیٹے کی پیدائش ہوئی تھی جس کا نام ازیان علی زید ہے۔