ڈکی بھائی کے نام سے مشہور یوٹیوبر سعد الرحمن نے خاموشی سے نکاح کرلیا ہے۔

گزشتہ روز سعد الرحمن نے فوٹو اینڈ ویڈیو شئیرنگ ایپ انسٹاگرام پر اپنے نکاح کی تصویر شئیر کرتے ہوئے اعلان کیا ہے کہ انہوں نے عروب جتوئی سے نکاح کرلیا ہے۔

یوٹیوبر نے عروب جتوئی کو اپنی زندگی کا پہلا پیار قرار دیا ہے۔

سعد الرحمن کے نکاح و منگنی کی تقریب میں معروف یوٹیوبر زید علی، رحیم پردیسی، رومیسہ و دیگر نے شرکت کی۔

یاد رہے کہ ڈکی بھائی اپنے وی لاگز سے زیادہ ساتھی یوٹیوبرز سے لڑائی جھگڑوں کی وجہ سے مشہور ہیں اور ان کے وی لاگز کو صارفین کی جانب سے خوب پسند کیا جاتا ہے۔

 سعد الرحمن کے یوٹیوب پر سبسکرائبرز کی تعداد 3 ملین سے تجاوز کر چکی ہے۔