بھارت کے لیجنڈری بیٹسمین سچن ٹنڈولکر کی بیٹی سارہ ٹنڈولکر اداکاری میں دلچسپی رکھتی ہیں اور بہت جلد بولی وُڈ میں انٹری دینے والی ہیں۔

سارہ ٹنڈولکر نے کچھ مصنوعات کے اشتہارات میں کام بھی کیا ہے اور اب وہ اداکاری کی کلاسز بھی لے رہی ہیں۔

سارہ لندن یونیورسٹی سے میڈیسن کی تعلیم مکمل کر چکی ہیں لیکن اب انہوں نے شوبز کی دنیا کا حصہ بننے کا فیصلہ کیا ہے۔

ویسے تو بولی وڈ میں اقربا پروری کا راج ہے اور ان نوجوان اداکاروں کو زیادہ جگہ ملتی ہے جن کے والدین خود انڈسٹری سے وابستہ تھے، جیسے کہ جھانوی کپور، سارہ علی خان، اننیا پانڈے وغیرہ۔

ایسے میں مشکل لگتا ہے کہ سارہ ٹنڈولکر کو بھی موقع ملے، لیکن کہا جا رہا ہے کہ سارہ کو موقع ملا تو عوام ان کی اداکاری دیکھ کر دنگ رہ جائیں گے۔

سارہ ٹنڈولکر کو والدین کی جانب سے ہر فیصلہ کرنے کی مکمل آزادی ہے اور وہ نہایت ٹیلنٹڈ بھی ہیں۔

قبل ازیں بھارتی میڈیا میں کچھ افواہیں تھیں کہ سارہ اپنا ڈیبیو شاہد کپور کے ہمراہ کریں گی، لیکن سچن نے اس وقت بیان دیا تھا کہ ان کی صاحبزادی تعلیم حاصل کر رہی ہیں اور ان کے فلم انڈسٹری جوائن کرنے کی خبروں میں صداقت نہیں۔