برطانوی نژاد معروف بھارتی گلوکار ترسیم سنگھ سینی المعروف تاز انتقال کر گئے ہیں۔

بھارتی میڈیا رپورٹس کے مطابق ترسیم سنگھ کو طویل عرصے سے ہرنیا کی شکایت تھی۔

ڈاکٹروں کی جانب سے تاز کو دو سال قبل آپریشن تجویز کیا گیا تھا لیکن عالمی وباء کورونا وائرس کی وجہ سے یہ آپریشن ملتوی کر دیا گیا تھا۔

رپورٹس کے مطابق ہرنیا بڑھنے کے سبب تاز کی حالت رواں سال مارچ  کے آغاز سے ہی تشویش ناک تھی اور وہ کوما میں بھی چلے گئے تھے۔

بعد ازاں تاز کوما کی صورتحال سے باہر نکل آئے تھے اور یہ گلوکار کی صحتیابی کی ایک مثبت علامت سمجھی جا رہی تھی۔

یاد رہے کہ گلوکار کا اصل نام ترسیم سنگھ سینی تھا جو جانی زی کے نام سے بھی جانے جاتے تھے۔

تاز کو 1989ء میں اپنے البم ہٹ دی ڈیک سے شہرت ملی تھی اور اُن کے گائے ہوئے گانے پیار ہو گیا، نچاں گے ساری رات اور گلاں گوریاں سے بے حد مقبول ہوئے تھے۔