حال ہی میں شادی کے بندھن میں بندھنے والی بھارتی اداکارہ عالیہ بھٹ نے رسم حنا کی خوبصورت تصاویر مداحوں کے ساتھ شیئر کر دیں۔

عالیہ بھٹ نے فوٹو اینڈ ویڈیو شئیرنگ ایپ انسٹاگرام پر رسم حنا کی نئی تصاویر پوسٹ کی ہیں۔

عالیہ بھٹ کو اِن نئی تصاویر میں رنبیر کپور اور خاندان کے دیگر افراد و قریبی دوستوں کے ساتھ نہایت خوش اور انجوائے کرتے ہوئے دیکھا جا سکتا ہے۔

شیئر کی گئی تصاویر میں رنبیر اپنے مرحوم والد رشی کپور کی تصویر اٹھائے ہوئے ہیں تو ایک میں رنبیر کپور والدہ نیتو کپور کے ساتھ ڈانس کر رہے ہیں۔

اداکارہ نے یہ خوبصورت تصاویر شیئر کرتے ہوئے اپنے جذبات کا اظہار کرت ہوئے لکھا کہ مہندی کا دن  کسی خواب کی طرح تھا، یہ پیار بھرا دن تھا، خاندان، خوبصورت اور بہترین دوست، ڈھیر سارے فرنچ فرائز،  لڑکے والوں کی طرف سے کیا گیا سرپرائز ڈانس اور حیرت انگیز پرفارمنسز، ڈی جے آیان کے زیر اہتمام تقریب اور میرے پسندیدہ گانوں کی دھنیں ایک بڑا سرپرائز تھا۔

انہوں نے لکھا کہ اِن سب لمحوں کو جینے کے بعد میری آنکھوں میں خوشی کے آنسو ہیں اور میری زندگی  محبت اور سکون کے ساتھ بھری ہوئی ہے۔