پاکستان کی نامور اداکارہ ماہرہ خان نے پاکستانی گلوکارہ عروج آفتاب  کے گریمی ایوارڈ جیتنے پر ردِ عمل دیا ہے۔

 ماہرہ خان نے مائیکرو بلاگنگ ویب سائٹ ٹوئٹر پر اپنا ردِ عمل دیتے ہوئے کہا کہ انہیں عروج آفتاب پر فخر ہے۔

اداکارہ نے عروج کے لیے نیک خواہشات کا اظہار کرتے ہوئے لکھا کہ اسی طرح وطن کا نام روشن کرتی رہیں۔

So so proud! Shine on you crazy star @arooj_aftab ✨🇵🇰🕊 https://www.bolnews.com/urdu/entertainment/2022/04/728317/amp/

Advertisement

— Mahira Khan (@TheMahiraKhan) April 3, 2022

یاد رہے کہ عروج آفتاب کو دنیائے موسیقی کے اعلیٰ ترین گریمی ایوارڈ کے لیے نامزد کیا گیا تھا، یہ پہلا موقع تھا کہ جب کسی پاکستانی گلوکارہ کو 2 کیٹیگریز میں نامزد کیا گیا، ایک بیسٹ گلوبل میوزک پرفارمنس اور دوسری بیسٹ نیو آرٹسٹ۔

اس بار لیڈی گاگا اور ٹیلر سوئفٹ جیسی گلوکارائیں بھی زیادہ نامزدگیاں حاصل نہیں کر سکیں۔

واضح رہے کہ گلوکارہ کی پیدائش سعودی عرب میں ہوئی لیکن والدین کے ساتھ وطن آکر لاہور سے اپنی موسیقی کا آغاز کیا اور امریکا کے برکلے کالج آف میوزک سے تعلیم حاصل کی ۔

عروج کو بچپن سے کلاسیکی موسیقی، غزل اور قوالی سے لگاؤ رہا ہے، وہ گلوکاری کے علاوہ موسیقار اور پروڈیوسر بھی ہیں اور اب تک ان کی تین سولو البم آ چکی ہیں۔