پاکستان شوبز انڈسٹری کی اداکارہ سجل علی کی جانب سے کراچی سے لاپتہ ہونے والی 14 سالہ لڑکی  دعا زہرہ کی گمشدگی پر افسوس کا اظہار کیا ہے۔

اداکارہ سجل علی نے اپنے سوشل میڈیا اکاؤنٹ انسٹا گرام پر ایک اسٹوری شیئر کی ہے جس میں انہوں نے اپنے جذبات اور دُکھ کا اظہار کیا ہے ۔

سجل علی نے کہا کہ ’دعا زہرہ کے گمشدہ ہو جانے پر بے حد اداس ہوں، میری دعا ہے کہ بچی صحیح سلامت اپنے گھر پہنچ جائے۔‘

سجل علی نے اپنی اسٹوری میں لکھنا ہے کہ ’حکام کو دعا زہرہ کی جَلد بازیابی کے لیے ہر ممکن کوشش کرنی چاہیے۔‘

اس سے قبل پاکستانی معروف، سینئر اداکارہ ماہرہ خان کی جانب سے بھی دعا زہرہ کے تاحال بازیاب نہ ہونے پر تشویش کا اظہار کیا گیا تھا۔

واضح رہے کہ کراچی سے اغواء ہونے والی 14سالہ لڑکی دعا زہرہ 5؍ روز بعد بھی بازیاب نہیں ہوسکی ہے۔

 تاہم پولیس کے تفتیشی حکام نے دعویٰ کیا ہے کہ لڑکی مرضی سے گئی ہے۔

فوٹیج سے اہم شواہد ملے ہیں، گھر کے انٹرنیٹ ڈیوائس سے کوٹ میرج اور پسند کی شادی سے متعلق سرچ ہسٹری بھی ملی ہے۔

دوسری جانب دعا زہرہ کے والد کا کہنا ہے کہ سی سی ٹی وی فوٹیج رات کی ہے اور میری بیٹی دن میں لاپتہ ہوئی ہے۔