پاکستانی ڈرامہ انڈسٹری کے ابھرتے ہوئے اداکار عنایت خان کے ہاں پہلے بیٹے کی پیدائش ہوئی ہے۔

عنایت خان نے فوٹو اینڈ ویڈیو شئیرنگ ایپ انسٹاگرام کے ذریعے اپنے دوستوں اور مداحوں کو بڑی خوشخبری دی ہے۔

اداکار نے انسٹاگرام پر تصویر شیئر کی ہے جس میں اُنہوں نے اپنے بیٹے کو گود میں اُٹھایا ہوا ہے۔

اُنہوں نے کیپشن میں لکھا کہ خواہش تھی کہ پہلی اولاد بیٹی پیدا ہو لیکن جو اللّٰہ کی مرضی۔

عنایت خان نے بیٹے کی پیدائش پر اللّٰہ تعالیٰ کا شُکر ادا کرتے ہوئے اپنے بیٹے تراب علی خان کو دُنیا میں خوش آمدید کہا۔

واضح رہے کہ عنایت خان گزشتہ برس سادگی سے رشتۂ ازدواج میں منسلک ہوئے تھے اور وہ عشق ذات، دل لگی و دیگر ڈراموں میں اپنی اداکاری کے جوہر دکھا چکے ہیں۔