پاکستان تحریک انصاف ( پی ٹی آئی ) کے منحرف رہنما اور ٹی وی میزبان عامر لیاقت حسین نے اپنی بیٹی دُعا عامر کو 22ویں سالگرہ کے موقع پر خصوصی مبارک باد دی ہے۔

عامر لیاقت نے سوشل میڈیا پر دعا کے نام ایک خصوصی پوسٹ شیئر کی ۔

انہوں نے بیٹی دعا کے ساتھ ماضی کی ایک یادگار تصویر اپنے انسٹاگرام اکاؤنٹ پر شیئر کی جس میں وہ کافی خوش نظر آرہے ہیں۔

سالگرہ کی مبارکباد دیتے ہوئے عامر لیاقت حسین نے کیپشن میں لکھا، “سالگرہ مبارک دعائے عامر، پھلو پھولو پروان چڑھو، آگے بڑھو منازل سَر کرو، چلتی رہو آنکھیں تَر کرو، تصادم سے بچو کبھی نہ گرو اور کبھی کبھی ہم سے بھی ملا کرو۔”

انہوں نے ایک اور تصویر شیئر کرتے ہوئے لکھا، “آپ کو 22 ویں سالگرہ مبارک ہو، دو اور دو چار ہوتے ہیں اور ہم چار ہیں۔ “

عامر لیاقت نے اپنی بھی ایک ویڈیو شیئر کی جس میں وہ اپنی پالتو بلی کو گلے لگا کر لیٹے ہوئے ہیں۔

ویڈیو کے کیپشن میں انہوں نے بیٹی کو مخاطب کرتے ہوئے لکھا، “دعا! اب میں بہت دور سو رہا ہوں لیکن سالگرہ بہت قریب ہے۔”

واضح رہے کہ عامر لیاقت کی پہلی شادی بشریٰ اقبال سے ہوئی تھی، جن سے ان کے دو بچے، ایک بیٹا اور ایک بیٹی ہیں۔