پاکستان کی معروف اداکارہ اقرا عزیز نے اپنے شوہر و اداکار یاسر حسین کے لیے نیک خواہشات کا اظہار کیا ہے۔

اداکارہ نے فوٹو اینڈ ویڈیو شئیرنگ ایپ انسٹاگرام پر یاسر حسین کے ساتھ عیدالفطر کی چند دلکش تصاویر شیئر کیں۔

انہوں نے یاسر کے لیے محبت بھرا پیغام لکھا جب وہ اپنی فلم جاوید اقبال: دی ان ٹولڈ اسٹوری آف سیریل کلر کی یو کے ایشین فلم فیسٹیول میں نمائش کے لیے لندن روانہ ہوئے۔

 اداکارہ نے لکھا کہ میں تو پہلے سے ہی آپ کو بہت یاد کر رہی ہوں، میں آپ کی قابلِ فخر بیوی ہوں۔

دوسری جانب یاسر حسین نے بھی انسٹاگرام پر اپنی تصویر شیئر کی جس میں اُن کے ہاتھ میں بیگ موجود ہے۔

یاسر حسین نے اپنی پوسٹ کے کیپشن میں لکھا کہ الوداع پاکستان۔

اداکار نے لکھا کہ فلم پر یہاں تو پابندی لگ گئی لیکن اللّٰہ پاک نے لندن میں فلم لگا دی ہے، پاکستان زندہ باد۔