پاکستان کی دو نامور اداکاراؤں ہانیہ اور اقراء سے متعلق زیرِ گردش متنازع ویڈیو کی حقیقت سامنے آ گئی۔

گزشتہ دنوں سوشل میڈیا پر ایک ویڈیو تیزی سے وائرل ہو رہی تھی جس میں اداکارہ اقراء عزیز ہانیہ عامر کو گلے لگانے کے لیے ہاتھ بڑھا رہی تھیں جبکہ ہانیہ عامر اقراء عزیز کے گلے لگانے کے بجائے دوسروں سے ملنے میں مصروف تھیں۔

سوشل میڈیا پر وائرل ہوتی ویڈیو میں اقراء عزیز کو نظر انداز کرنے پر مداحوں کی جانب سے ہانیہ عامر کو خوب تنقید کا نشانہ بنایا گیا۔

دوسری جانب  ایک اور ویڈیو وائرل ہو رہی ہے جس میں ہانیہ اور اقراء عزیز کو نہایت خلوص و محبت سے گلے ملتے ہوئے دیکھا جا سکتا ہے۔

ویڈیو کے کیپشن میں سوشل میڈیا فین پیجز کا لکھنا ہے کہ یہ تصویر کا دوسرا رُخ یعنی مکمل ویڈیو ہے۔