پاکستان کی نامور اداکارہ سجل علی اور شہزاد رائے کی تصاویر وائرل ہونے کی وجہ سامنے آگئی ہے۔

گزشتہ روز سے اداکارہ سجل علی اور گلوکار و سماجی کارکن شہزاد رائے کی ایک ساتھ تصاویر سوشل میڈیا پر وائرل ہو گئی ہیں جنہیں دیکھ کر صارفین کی جانب سے مختلف قیاس آرائیاں کی جا رہی ہیں۔

وائرل تصاویر دیکھ کر اندازہ لگایا جا سکتا ہے کہ یہ ایک ساتھ ایک پروجیکٹ میں اسکرین پر جَلد ہی نظر آنے والے ہیں۔

دونوں اداکاروں کی تصاویر کو سوشل میڈیا صارفین کی جانب سے خوب پسند کیا جا رہا ہے اور مداحوں کا کہنا ہے کہ شاید جلد ہی ان کا کوئی گانا یا ڈرامہ آنے والا ہے۔

واضح رہے کہ یہ خوبصورت تصاویر سجل علی اور شہزاد روئے کے انسٹاگرام اکاؤنٹس سے شیئر کی گئی ہیں جن  پر دونوں فنکاروں نے کیپشن میں ہیش ٹیگ تم ہو تو کا استعمال کیا گیا ہے۔