پاکستان شوبز انڈسٹری کے معروف اداکار اعجاز اسلم کو پیٹرول پمپ پر کام کرنے والی خواتین نے متاثر کردیا۔

 اداکار کی جانب سے فوٹو اینڈ ویڈیو شیئرنگ ایپ انسٹاگرام پر ایک ویڈیو شیئر کی  گئی ہے جس میں ایک خاتون پیٹرول پمپ پر کام کرتے ہوئے نظر آرہی ہیں۔

ویڈیو میں اعجاز اسلم کہتے ہیں کہ یہ ایک پیٹرول اسٹیشن ہے اور یہ خاتون یہاں پر گاڑیوں میں پیٹرول بھرنے کا کام کررہی ہیں، مجھے ان خاتون کو دیکھ کر بہت خوشی ہوئی۔

انہوں نے پیٹرول اسٹیشن کی دوسری جانب اپنا کیمرہ گھماتے ہوئے کہا کہ وہاں پر ایک اور خاتون بھی موجود ہیں۔

اعجاز اسلم نے پیٹرول اسٹیشن پر موجود خاتون سے مخاطب ہوئے کہا کہ یہ بہت اچھی بات ہے آپ کو دیکھ کر اور بھی بہت سے لوگ متاثر ہوں گے، اسی طرح کام کرتی رہیں۔