میوزک انڈسٹری کی معروف بھارتی گلوکارہ کنیکا کپور رشتۂ ازدواج میں منسلک ہوگئی ہیں۔

کنیکا کپور گزشتہ روز لندن میں اپنے شادی کے بندھن میں بندھ گئیں جس کی تصاویر انٹرنیٹ پر وائرل ہو گئی ہیں۔

ان تصاویر میں دیکھا جاسکتا ہے کہ اُنہوں نے اپنی زندگی کے سب سے خاص موقع پر ہلکے گلابی رنگ کے خوبصورت عروسی لباس کا انتخاب کیا اور ساتھ ہی بھاری زیور بھی پہنا۔

اس سے قبل، کنیکا نے انسٹاگرام پر اپنی مہندی کی تقریب کی کچھ تصاویر شیئر کی تھیں جس میں اُنہوں نے پیسٹل گرین لہنگا پہنا تھا۔

یاد رہے کہ بالی ووڈ کی مقبول پلے بیک گلوکارہ کنیکا کپور جو اپنے گانے بیبی ڈول کے لیے مشہور ہیں، یہ انکی دوسری شادی ہے جبکہ اُن کے پہلے شوہر سے تین بچے ہیں جنہیں وہ خود پال رہی ہیں۔

گزشتہ دنوں حدیقہ کیانی اپنا گانا بوہے باریاں کاپی کرنے پر بھارتی گلوکارہ پر برہم ہوگئی تھیں۔

بعدازاں کنیکا کپور نے ردّعمل دیتے ہوئے کہا تھا کہ ہم نے ایک اوریجنل گانا بنایا ہے جسے جونیجا جی نے لکھا ہے اور شروتی نے گوروف داس گپتا کے ساتھ مل کر اس گانے کی موسیقی ترتیب دی ہے۔

انہوں نے کہا کہ اس گانے میں ایک پرانے پنجابی لوک گیت کی ایک لائن استعمال کی گئی ہے۔