بالی ووڈ اداکار وکی کوشل نے نیویارک میں اپنی اہلیہ کترینہ کیف کے ساتھ اپنا برتھ ڈے منایا ہے۔

کترینہ کیف نے فوٹو اینڈ ویڈیو شیئرنگ ایپ انسٹاگرام پر وکی کوشل کے ساتھ اپنی خوبصورت تصاویر شیئر کی ہیں۔

شئیر کی گئی تصاویر میں وکی کوشل اور کترینہ کیف دونوں ہی بہت خوش نظر آرہے ہیں۔

انہوں نے تصاویر شیئر کرتے ہوئے لکھا کہ یہ نیو یارک والا برتھ ڈے ہے۔

کترینہ کیف نے وکی کوشل سے محبت کا اظہار کرتے ہوئے لکھا کہ آپ نے میری زندگی میں ہر چیز کو پہلے سے بہتر کردیا ہے۔

اداکار وکی کوشل نے پوسٹ پر کمنٹ کرتے ہوئے لکھا کہ یہ شادی شدہ والا برتھڈے ہے۔

دوسری جانب وکی کوشل نے بھی اپنے انسٹاگرام اکاؤنٹ پر سالگرہ کی تقریب سے چند تصاویر اور ایک ویڈیو شیئر کی ہے۔

ویڈیو میں وکی کوشل کو اپنی سالگرہ کا کیک کاٹتے ہوئے دیکھا جاسکتا ہے۔

انہوں نے کیپشن میں لکھا کہ اپنے پسندیدہ لوگوں کے ساتھ نئے سال میں داخل ہو رہا ہوں، اس بات پر میرا دل انتہائی خوش ہے جس کا میں شکرگزار ہوں۔

اداکار نے لکھا کہ آپ سب کا شکریہ کہ آپ نے میرے لیے اپنی محبت اور نیک خواہشات کا اظہار کیا۔

واضح رہے کہ وکی کوشل جوکہ آج کل امریکا میں اپنی اہلیہ، اداکارہ کترینہ کیف کے ہمراہ  چھٹیاں منارہے ہیں، انہوں نے نیویارک میں اپنی سالگرہ منائی ہے۔