ویٹرن کورین اداکارہ کینگ سُو-ییون 55 برس کی عمر میں انتقال کر گئیں۔

5 مئی بروز جمعرات کو گرلز نائٹ آؤٹ اسٹار دارالحکومت سیول کے علاقے گینگنم میں اپنے گھر میں حرکتِ قلب بند ہوئی۔

ذرائع کے مطابق ان کو فوری طور پر گینگنم سیورنس اسپتال میں لے جایا گیا اور وہ دو دن بعد سیریبرل ہیمرج کے سبب انتقال کر گئیں۔

ذرائع کے مطابق ان کو فوری طور پر گینگنم سیورنس اسپتال میں لے جایا گیا اور وہ دو دن بعد سیریبرل ہیمرج کے سبب انتقال کر گئیں

کورین ویب سائٹ سُومپی کے مطابق کینگ کو سیول میں سام سنگ میڈیکل سینٹر میں رکھا گیا ہے اور ان کی آخری رسومات 11 مئی بروز بدھ کو ادا کی جائیں گی۔

کینگ 1980 کی دہائی کے وسط سے 1990 کی دہائی کے آخر تک کوریا کی بین الاقوامی شہرت یافتہ اسٹار تھیں۔ ان کو اکثر کوریا کی پہلی عالمی اسٹار کہا جاتا تھا۔

انہوں نے اپنے اداکاری کے کیریئر کا آغاز بہت کم عمری میں کیا۔

ان کی مشہور کورین فلموں میں دی سروگیٹ وومن، 2011 کی فلم ہانجی اور 2013 کی فلم جیوری شامل ہیں۔

کینگ کو دی سروگیٹ وومن کے لیے 1987 میں وینِس انٹرنیشنل فلم فیسٹیول میں بہترین اداکرہ کے ایوارڈ کے لیے وولوپی کپ سے نوازا گیا، اس کے ساتھ نینٹیس انٹرنیشنل فلم فیسٹیول میں بہترین اداکارہ کا ایوارڈ بھی ملا۔

ایسا پہلی بار ہوا تھا کہ کسی کورین اداکار کو بڑے بین الاقوامی فلم فیسٹیول میں ایوارڈ سے نوازا گیا۔