مشہور پاکستانی ٹک ٹاک اسٹار ڈولی کی نئی ویڈیو منظر عام پر آگئی جس میں وہ جنگل میں لگنے والی آگ کے واقعہ کی وضاحت کررہی ہیں۔

ڈولی نے اپنے انسٹاگرام اکاؤنٹ پر ویڈیو شیئر کرتے کہا ہے کہ ایک ویڈیو جو میں نے ابھی تک اپ لوڈ نہیں کی وہ اب کروں گی، میں یہاں پر 11 مئی کو آئی تھی تقریباً 7 بجے کے قریب، ٹائم کے ساتھ تو تصاویر آئی فون میں محفوظ ہوتی ہیں۔

ویڈیو میں انہوں نے بتایا کہ اس روز میری فراک میں کانٹوں والی شاخیں  پھنس گئ تھیں، ساتھ ہی ٹک ٹاکر نے ویڈیو کے کیپشن میں لکھا کہ آخر تک دیکھیں، شاید یہ ویڈیو دیکھ کر فیک خبریں لگانے والوں کی بولتی بند اور آنکھیں کھل جائیں۔

ڈولی نے اپنی اس ویڈیو کے ساتھ 11 مئی کو اپنے ساتھ پیش آنے والے واقعہ کی ویڈیو بھی شیئر کی، ویڈیو میں ان کے دوست فراک سے کانٹے نکال رہے ہیں۔

واضح رہے کہ جنگل میں آگ لگا کر ماڈلنگ کرنے اور ٹک ٹاک ویڈیوز بنانے پر ڈولی کیخلاف تھانہ کوہسار میں مقدمہ درج ہوا ہے۔

ڈولی کے خلاف اسلام آباد تھانہ کوہسار میں درخواست دائر کی گئی ہے ، درخواست گزار کے مطابق مارگلہ ہلز میں آگ لگا کر ماڈلنگ کی اور ویڈیوز بنائیں جس سے وسیع رقبے پر پودوں اور چرند پرند کو نقصان پہنچا ہے۔

درخواست ڈی اے شعبہ ماحولیات کے اسسٹنٹ ڈائریکٹر پروٹیکشن کی جانب سے درج کروائی گئی تھی جس میں ٹک ٹاکر کے خلاف سخت کارروائی کی اپیل کی گئی ہے۔