پاکستانی فلم و ٹی وی انڈسٹری کے معروف اداکار، ہدایتکار اور پروڈیسر یاسر نواز نے شادیاں ناکام ہونے کی وجہ بتادی۔

یاسر نواز نے اپنے ایک انٹرویو میں کہا کہ عورت ذات اپنی جگہ ایک عظیم ہے اور مرد اپنا ایک الگ مقام رکھتا ہے، عورت اگر ایک بار مرد کو سمجھ لے تو اُس کی زندگی آسان ہو جاتی ہے۔

انہوں نے انٹرویو کے دوران پوچھے گئے سوال کے جواب میں کہا کہ اُن کے خیال میں برداشت کی کمی کی وجہ سے آج کل شادیاں ناکام ہو رہی ہیں۔

اداکارہ نے کہا کہ آپس کی تکرار اور جَلد بازی بہت زیادہ بڑھ گئی ہے، شادی کو تین سے چار سال دینے چاہئیے، پھر سب صحیح ہو جاتا ہے۔

یاسر نواز کا کہنا ہے کہ شادی جیسے رشتے میں مرد عورت کا ایک دوسرے کے ساتھ برابری اور مقابلے بازی کرنا اور ایسا بولنا کہ تم ایسا کر سکتے ہو تو میں بھی کروں گی یا مرد کا کہنا کہ جو مجھے کرنے کی اجازت ہے وہ کام میری بیوی نہیں کرے گی، ایسے رویئے اور عدم برداشت  کے سبب آج کل شادیاں چل نہیں پا رہیں۔