بالی ووڈ کی معروف اداکارہ کرینہ کپور نے نامور پروڈیوسر اور ہدایت کار کرن جوہر کو انوکھے انداز میں سالگرہ کی مبارکباد دی ہے۔

کرینہ کپور نے اپنے آفیشل اکاؤنٹ انسٹاگرام پر ایک پرانی تصویر پوسٹ کی ہے۔

شئیر کی گئی تصویر کے کیپشن میں انہوں نے لکھا کہ یہ ہم ہیں،  تم اور میں ، میں اور تم، ہمیشہ کے لیے، ایسی محبت جیسی کسی اور کی نہیں، آئیے آج کی رات ڈانس کریں جیسا کہ پہلے کبھی نہیں کیا  کیونکہ یہ میرے پیارے کی سالگرہ ہے، سالگرہ مبارک۔

اس سے قبل کرینہ کپور کو اپنی زمانہ طالب علمی کی یادیں ستانے لگی تھیں۔

کرینہ کپور اپنی اسکول کی سہیلی سے ملاقات کے بعد زمانہ طالب علمی کی یاد میں کھوگئی تھیں اور انہوں نے انسٹاگرام پر اسکول میں دوستوں کیساتھ لی گئی تصاویربھی شیئر کردیں تھیں۔

بالی ووڈ سپر اسٹار بیبو ان دنوں مغربی بنگال کے علاقے کالمپونگ میں اپنی نئی فلم کی عکس بندی میں مصروف ہیں جہاں ان کی ملاقات اپنی اسکول کی ایک دوست ہوئی تھی۔

اپنی دوست سے ملاقات کے بعد کرینہ نے 1996 میں اپنے زمانہ طالب علمی کی کچھ تصاویر ویڈیو و تصویر شیئرنگ ایپلی کیشن انسٹاگرام پر شیئر کیں اور تصاویر دینے پر اپنی دوست کا شکریہ ادا کیا، تصاویر دہیرادوں کے ویلہیم اسکول کی طالبات کے دورہ راجھستان کی ہیں۔

کرینہ کپور کی بہن اداکارہ کرشمہ کپور نے بھی تصاویر پر محبت کا اظہار کیا جب کہ اداکارہ پریا ملک نے ویلہیم گرلز اسکول کے یورنیفارم کو لیجنڈری قرار دیا۔