بولی وُڈ اداکارہ سونم کپورماں جیسے اہم ترین عہدے پر فائز ہونے کو تیار ہیں، لیکن حاملہ ہونے کے باوجود ان کی خوبصورتی میں کوئی کمی نہیں آئی ہے، بلکہ مزید نکھار پیدا ہوگیا ہے۔

اداکارہ ان دنوں فلموں سے زیادہ اپنی ذاتی زندگی کو لے کر موضوع بحث بنی ہوئی ہیں۔

ان دنوں وہ اپنی پہلی پریگنینسی سے لطف اندوز ہو رہی ہیں۔

جلد ہی ماں بننے کا سُکھ پانے والی سونم کپور نے جب سے اپنے حاملہ ہونے کی خوشخبری مداحوں کے ساتھ شیئر کی ہے، تب سے وہ ایک کے بعد ایک فوٹو شوٹ کرا رہی ہیں۔

ایسا لگتا ہے کہ وہ اپنے حمل کے ہر ہفتہ کا شاندار طریقے سے لطف اٹھا رہی ہے۔

سونم آئے دن اپنی کوئی نہ کوئی تصویر یا ویڈیو سوشل میڈیا پر شئیر کرتی رہتی ہیں۔ لیکن اس بار ان کے شوہر آنند آہوجا نے ایک ویڈیو شیئر کی ہے۔

ویڈیو میں سونم کپور کاؤچ پر لیٹی ہوئی آرام کرتی نظر آرہی ہیں۔

سونم کپور اور آنند آہوجا نے اتوار کو اپنی شادی کی چوتھی سالگرہ منائی ہے۔

اپنی شادی کی سالگرہ کے موقع پر سونم کپور اور آنند آہوجا نے سوشل میڈیا پر کچھ خاص تصاویر شیئر کیں۔

آنند آہوجا نے سونم کپور کے ابتدائی حاملہ دنوں کی ایک ویڈیو بھی شیئر کی جس میں وہ صوفے پر مستی کرتی نظر آرہی ہیں۔

آنند آہوجا نے تصویر کے ساتھ کیپشن میں لکھا، ‘6 سال سے گرل فرینڈ، 4 سال سے بیوی اور اس سال حمل کے شروعاتی دن۔ سالگرہ مبارک ہو’.

اداکارہ نے 21 مارچ کو اپنے شوہر آنند آہوجا کے ساتھ حاملہ ہونے کا اعلان کیا تھا ۔

دریں اثنا اداکارہ کا ایک اور نیا میٹرنٹی فوٹوشوٹ منظر عام پر آیا ہے، جس میں وہ انتہائی گلیمرس لگ رہی ہیں۔

سونم کے والد انیل کپور نے یہ خوشخبری ملتے ہی خوبصورت انداز میں اپنے ردعمل اک اظہار کرتے ہوئے لکھا کہ ‘میں نے اپنی زندگی کے سب سے دلچسپ کردار نانا جان بننے کی تیاری شروع کر دی ہے۔ سونم آپ کو اندازہ بھی نہیں ہوگا کہ یہ خبر دے کر آپ نے مجھے کتنی خوشی دی ہے۔’

ایک انٹرویو میں جب انیل کپور سے پوچھا گیا کہ سونم کیسی ماں بنیں گی؟ تو اس سوال کے جواب میں بغیر کسی ہچکچاہٹ کے انیل نے اپنی پیاری بیٹی کو پرفیکشنسٹ بتایا۔