پاکستان شوبز انڈسٹری میں مقبول ترین کامیڈی فنکار معین اختر ( مرحوم) کا نواسہ اداکار زوہاب خان ہیں۔

اداکار نے معین اختر کے 71ویں یومِ پیدائش کے موقع پر انسٹاگرام پر اسٹوریز پوسٹ کی تھیں جس سے مداحوں کو پتا چلا کہ معین اختر زوہاب خان کے نانا تھے۔

زوہاب نے اپنے انڈسٹری میں آنے سے متعلق لکھا تھا کہ مجھے اب بھی یاد ہے جب میں نے اداکاری کا آغاز کیا تھا اور آپ کو اس حوالے سے علم نہیں تھا۔

انہوں نے لکھا تھا کہ پھر اداکار قاضی واجد نے آپ کو بتایا تھا جس پر امی اور پاپا نے آپ کی ڈانٹ کھائی تھی لیکن کچھ ہی عرصے بعد آپ چلے گئے، آپ سے کچھ سیکھ نہیں پایا لیکن آپ کی چند باتیں ہمیشہ یاد رہیں گیں۔

خیال رہے کہ ڈراموں میں بطور چائلڈ اسٹار اپنے کیرئیر کا آغاز کرنے والے اداکار زوہاب خان کئی مشہور ڈرامہ سیریلز میں بہترین اداکاری کے جوہر دکھا چکے ہیں۔