پاکستان کی معروف اداکارہ و گلوکارہ حدیقہ کیانی کی بیٹے نادِ علی کے ہمراہ عید کے دوسرے دن کی خوبصورت تصاویر سوشل میڈیا پر وائرل ہوگئی ہیں۔

گلوکارہ نے فوٹو اینڈ ویڈیو شئیرنگ ایپ انسٹاگرام پر بیٹے کے ہمراہ کچھ تصاویر پوسٹ کی ہیں جو کہ عید کے دوسرے دن کی ہیں۔

اداکارہ نے تصاویر شئیر کرتے ہوئے کیپشن میں لکھا کہ وہ اپنے بیٹے اور فیملی کے ہمراہ عید منا رہی ہیں۔

واضح رہے کہ  2005 کے تباہ کن زلزلے کے موقع پر حدیقہ کیانی ایدھی فاؤنڈیشن کے ساتھ مل کر اپنی خدمات انجام دے رہی تھیں ایسے میں ان کے سامنے ایک بچہ آیا جس کی فیملی کا کوئی آتا پتا نہیں تھا،  گلوکارہ نے فوری طور پر اسے گود لے لیا جس کا نام انہوں نے ناد علی رکھا۔