بالی ووڈ اسٹار شاہ رخ خان نے انکشاف کیا ہے کہ انہیں گھر کے کچھ معاملات میں دخل دینے کی بالکل اجازت نہیں ہے۔

اداکار نے اپنے ایک حالیہ انٹرویو میں بتایا کہ گوری خود ایک شاندار انٹیریئر ڈیزائنر ہے اور وہ مجھے اپنے گھر منت ہاؤس کی تزین و آرائش کے معاملے میں بالکل بھی دخل دینے کی اجازت نہیں دیتی۔

شاہ رخ خان کا کہنا تھا کہ میرے گھر کے لیے جو بھی سامان خریدا گیا ہے، وہ سب گوری نے خریدا ہے۔

اُنہوں نے بتایا کہ گوری نے مجھ سے کہا تھا کہ مجھے گھر کی تزین وآرائش کے معاملے میں دخل دینے کی اجازت نہیں ہے۔

واضح رہے کہ شاہ رخ اپنی فلم پٹھان میں اداکارہ دیپیکا پڈوکون اور اداکار جان ابراہم کے ساتھ اسکرین پر اپنی شاندار واپسی کے لیے تیار ہیں۔

 سدھارتھ آنند کی ہدایتکاری میں بننے والی یہ فلم 25 جنوری 2023 کو سینما گھروں کی زینت بنے گی۔