پاکستان کی اُبھرتی ہوئی اداکارہ ایمن سلیم ڈراموں میں کس طرح کے کردار ادا کرنا چاہتی ہیں؟

 حال ہی میں اداکارہ سے انٹرویو کے دوران میزبان کی جانب سے  دلچسپ سوال کیا گیا کہ آپ ڈراموں میں کسی مصیبت میں گھری بیچاری لڑکی کا کردار ادا کرنے سے کیوں گھبراتی ہیں؟

جواب میں انہوں نے کہا کہ میرے خیال میں یہ ایک بہت ہی اہم سوال ہے بلکہ پاکستانی ٹیلیویژن انڈسٹری کے لیے ایک بہت اہم موضوع ہے، فی الحال اس طرح کے کرداروں کو نظر انداز کررہی ہوں جس میں کسی لڑکی کو مصیبت میں گھرے ہوئے اور مجبور دکھایا جائے۔

ایمن سلیم نے کہا کہ میں آج کل کی اصل پاکستانی خواتین کا کردار اداکرنا چاہتی ہوں۔

اداکارہ کا کہنا تھا کہ مجھے نہیں معلوم کہ پاکستانی ٹیلیویژن میں کیوں یہ بتانے کا جنون ہے کہ عورت کیا ہے، اچھی عورت کیا ہے یا بری عورت کیا ہے، میرا مطلب ہے حقیقی عورت کی پہچان  اور اس کے وجود میں اور بھی بہت کچھ ہے۔

انہوں نے کہا کہ مثال کے طور پر آپ ماہرہ خان بھی ہوسکتی ہیں، آپ کو خرد بننے کی ضرورت نہیں ہے۔