بھارتی مسٹر پرفیکشنسٹ عامر خان نے بالی ووڈ انڈسٹری کے معروف ہدایتکار کَرن جوہر کی سالگرہ میں اپنی سابقہ اہلیہ کِرن راؤ کے ہمراہ شرکت کی۔

گزشتہ روز ہدایتکار کَرن  جوہر نے اپنی 50 ویں سالگرہ کے موقع پر پوری فلم انڈسٹری کو دعوت دی جس میں متعدد معروف جوڑوں نے شرکت کی جن میں اداکار عامر خان اور کِرن راؤ بھی شامل تھیں۔

سالگرہ میں اداکار ہریتھک روشن نے بھی اپنی گرل فرینڈ صبا آزاد کے ساتھ پہلی بار کسی تقریب میں کپل (couple) کے طور پر شرکت کی۔

دوسری جانب ہریتھک روشن کی سابقہ اہلیہ سوزا بھی اپنے بوائے فرینڈ ارسلان گونی کے ہمراہ نظر آئیں۔

واضح رہے کہ عامر خان اور کرن راؤ 28 دسمبر 2005ء کو شادی کے بندھن میں بندھے تھے ،اس جوڑے کا ایک بیٹا بھی ہے جس کی پیدائش 2011ء میں ہوئی تھی۔

گزشتہ سال دونوں فنکاروں نے طلاق سے متعلق مشترکہ بیان جاری کیا تھا جس میں ان کا کہنا تھا کہ چاہنے والوں کو بتانا چاہتے ہیں کہ ان کی شادی اختتام پذیر ہوگئی ہے لیکن اس طلاق کو ایک نئے سفر کے طور پر دیکھا جائے۔