عالمی شہرت یافتہ گائیک استاد راحت فتح علی خان کے  مسقط میں تاریخی کنسرٹ کی تیاریاں عروج پر پہنچ گئیں ہیں۔

3 جون 2022 کو مسقط میں ہونے والے مثالی کنسرٹ کی کے لیے دن رات ریہرسل کی تیاریاں جاری ہیں جس میں عربی فارسی ہندی اردو اور ترک زبان میں کلام پیش کیے جائیں گے۔

مسقط میں تعینات پاکستانی ہائی کمیشنر کا کہنا ہے کہ بہت خوشی اور مسرت کی بات ہے کہ دنیا کے بہت بڑے صوفی گائیک استاد راحت فتح علی خان مسقط میں 9 برس بعد ایک بڑے میوزیکل شو میں شرکت کے لیے آرہے ہیں۔

انہوں نے کہا کہ مسقط میں رہنے والوں کو ان کی آمد کا بے تابی سے انتظار ہے۔

اس حوالے سے استاد راحت فتح علی خان کا کہنا ہے کہ ہماری ٹیم 9 سال بعد مسقط میں کنسرٹ کرنے جاری رہی ہے۔

انٹرنیشنل میوزک پروڈیوسر سلمان احمد نے شو کو غیر معمولی بنانے کے لیے دن رات ایک کیا ہوا ہے۔

صوفیانہ کلام کی گائیکی کا جادو دنیا بھر میں سر چڑھ کر بول رہا ہے، ہمیں امید ہے کہ 3 جون 2022 کا مسقط کا شو غیر معمولی اور یادگار ثابت ہوگا۔

واضح رہے کہ استاد راحت فتح علی خان نے آکسفورڈ یونیورسٹی سے صوفیانہ موسیقی میں پی ایچ ڈی کی ڈگری حاصل کی ہے اور دنیا بھر میں اپنے نام کا لوہا منوایا ہے۔