ترکی کے معروف شیف اور وی لاگر براک اوزدامیر برین ٹیومر میں مبتلا ہوگئے ہیں۔

شیف براک نے اپنے آفیشل اکاؤنٹ انسٹاگرام پر چند تصاویر شیئر کی ہیں جس میں انہیں اسپتال کے بیڈ پر لیٹے ہوئے دیکھا جاسکتا ہے۔

انہوں نے اپنی پوسٹ میں لکھا کہ میں چیک اپ کے لئے اسپتال آیا ہوں۔

براک اوزدامیر کے مداحوں کی جانب سے یہ پوسٹ تیزی سے وائرل ہو گئی ہے جس میں ان کی صحتیابی کے لئے دعائیں کی جارہی ہیں۔

شیف براک برین ٹیومر جیسی خطرناک بیماری میں مبتلا ہوگئے ہیں تاہم ترک میڈیا نے اب تک اس بات کی تصدیق نہیں کی کہ آیا براک کو برین ٹیومر ہے بھی یا نہیں اور نہ ہی براک نے خود اس حوالے سے کچھ بتایا ہے۔

واضح رہے کہ شیف براک اپنے منفرد انداز سے کھانا پکانے اور بڑے اوزاروں کا استعمال کرنے کے حوالے سے بہت مشہور ہیں۔

براک اوزدامیر نومبر 2020 میں پاکستان بھی آچکے ہیں اور کچھ ہی عرصے میں وہ یہاں اپنا ریسٹورنٹ بھی کھولیں گے۔