عالمی شہرت یافتہ امریکی پاپ سنگر مائیکل جیکسن کو مداحوں بچھڑے سے 13 برس بیت گئے۔

پاپ موسیقی کے شہنشاہ مائیکل جیکسن نے صرف 5 سال کی عمر میں میوزک کی دنیا میں قدم رکھا۔

1964میں گلوکار نے اپنے بھائیوں کے پاپ گروپ جیکسن فائیو میں شمولیت اختیار کی اور اپنی بہترین آواز اور منفرد ڈانس سے دنیا بھر میں دھوم مچادی۔

ان کا پہلا سولو ایلبم 1979 میں آف دی وال کے نام سے ریلیز ہوا جو مائیل جیکسن کی پہچان کی وجہ بنا۔

بعد ازاں 1982 میں گلوکار کے ایلبم تھرلر نے ان کے مداحوں کی تعداد میں اضافہ کیا۔

مائیکل جیکسن کو ایک کے بعد ایک ہٹ ایلبم دینے کے باعث کنگ آف پاپ کے خطاب سے بھی نوازا گیا۔

دنیا بھر میں موجود مداحوں کے دلوں پر راج کرنے والے امریکی پاپ سنگر 25  جون 2009 کو مداحوں سے بچھڑ گئے مگر ان کی پاپ گلوکاری اور ڈانس کے لوگ آج بھی دیوانے ہیں۔