معروف اسٹریمنگ ویب سائٹ نیٹ فلکس نے بے شمار ملازمین کو نوکری سے نکال دیا۔

غیر ملکی خبررساں ادارے کے مطابق نیٹ فلکس کا کہنا ہے کہ ایک دہائی میں پہلی بار ایسا موقع ہے کہ اس کے سبسکرائبرز کی تعداد کم ہوتی جا رہی ہے۔

یہی وجہ ہے کہ اخراجات گھٹانے کے لیے دوسری بار ملازمین کو نوکری سے نکالا گیا ہے۔

یادرہے کہ پچھلے مہینے نیٹ فلکس نے 150 افراد کو ملازمت سے برطرف کیا تھا۔

تاہم اس بار اسٹریمنگ سروس نے مزید 300 ملازمین کو نوکری سے فارغ کردیا۔

دنیا کی سب سے مقبول ترین اسٹریمنگ سروس بھی پچھلے مہینوں سے دباؤ کا شکار ہے۔

یہ دباؤ بڑھتی مہنگائی، یوکرین جنگ اور سبسکرائبرز کی تعداد میں کمی کی وجہ سے درپیش ہے۔

واضح رہے کہ نیٹ فلکس نے چند ماہ قبل پاس ورڈ شیئرنگ کی سہولت ختم کردی تھی جس کے بعد سے سبسکرائبرز کی تعداد میں اضافے کے بجائے کمی ہو رہی ہے۔