احسن خان اور عائشہ عمر کی جوڑی ان دنوں اپنی فلم “رہبرا” کی تشہیر میں پورے جوش و خروش کے ساتھ مصروف ہیں، اور دونوں کی پردے کے پیچھے کی کئی ویڈیوز سوشل میڈیا پر گردش کر رہی ہیں۔

ایسی ہی ایک بی ٹی ایس ویڈیو سوشل میڈیا پر وائرل ہو رہی ہے، جس میں احسن خان اور عائشہ عمر کو ایک گروسری اسٹور (کریانے کی دکان) میں شوٹ کراتے دیکھا جاسکتا ہے۔

احسن سفید شرٹ کے ساتھ کیمل کلر کا ٹو پیس سوٹ پہنے گروسری کارٹ میں پھنسے نظر آرہے ہیں اور عائشہ کی جانب دیکھ رہے ہیں۔

جبکہ عائشہ عمر ایک وضع دار ٹو پیس لباس میں نظر آرہی  ہیں، انہوں نے بغیر آستین کا پیپلم پہن رکھا ہے جس میں دائیں طرف فریل دیا گیا ہے اور ممکنہ طور پر نیچے والے حصے میں کینکن ہے۔ ساتھ ہی اس پر سلور رنگ کی ایک بیلٹ بھی موجود ہے۔

ان کا پورا چمکیلا لباس بیبی بلیو رنگ کا ہے۔

ویڈیو میں عائشہ بھی احسن کی طرف دیکھ رہی ہیں اور ایسا لگتا ہے کہ دونوں باتیں کر رہے ہیں۔

https://cdnurdu.bolnews.com/urdu/wp-content/uploads/2022/06/290767430_195816312786176_4019870316229131986_n.mp4?_=2

رہبرا ایک رومینٹک کامیڈی اور ایکشن سے بھرپور فلم ہے۔ جس میں جیون ساتھی کی تلاش کی کہانی بیان کی گئی ہے۔

کہانی اس گرد گھومتی ہے کہ کس طرح کائنات دو لوگوں کو ایک ساتھ لانے کے لیے مختلف راستوں اور چینلز کے ذریعے اپنا جادو چلاتی ہے۔

ببلی اور دانش نامی کردار جو ایک دوسرے کے جیون ساتھی ہونے سے غافل ہیں، ایڈونچر، رومانس، ہمت اور صبر کے ایک شاندار سفر کا تجربہ کرتے ہیں جو انہیں ایک دوسرے کے قریب لاتا ہے۔

تاہم، شریکِ حیات بننے تک کے اپنے سفر کو دریافت کرتے ہوئے وہ ایک دوسرے کا رہبرا بن جاتے ہیں۔