پاکستان کی سینئر اداکارہ بشریٰ انصاری نے بھارت کے معروف پنجابی گلوکار سدھو موسے والا کے لیے کی گئی انسٹاگرام پوسٹ ڈیلیٹ کردی۔

اداکارہ کی جانب سے سدھو موسے والا کی اچانک موت کے بعد انسٹاگرام پر اُن کے لیے پوسٹ شیئر کی گئی تھی۔

 اُنہوں نے اس پوسٹ میں کہا تھا کہ کسی انسان کو بھری جوانی میں قتل کردینا انتہائی افسوسناک ہے۔

بشریٰ انصاری نے کہا کہ اپنے گانوں میں اسلحہ اور جارحیت کو فروغ نہ دیں کیونکہ ٹیلنٹ کو اس کی ضرورت نہیں ہوتی، آرٹسٹ امن پسند ہوتے ہیں اور لوگ اُن کے پیار سے متاثر ہوتے ہیں۔

بعد ازاں اداکارہ بشریٰ انصاری نے یہ پوسٹ ڈیلیٹ کردی لیکن سوشل میڈیا پر اس پوسٹ کا اسکرین شاٹ وائرل ہوگیا ہے۔

دوسری جانب صارفین کی جانب سے اداکارہ سے پوسٹ ڈیلیٹ کرنے کی وجہ بھی پوچھی جارہی ہے لیکن بشریٰ انصاری نے اب تک کوئی جواب نہیں دیا۔

یاد رہے کہ پنجابی گلوکار سدھو موسے والا کو 29 مئی کی شام نامعلوم حملہ آوروں کی جانب سے فائرنگ کر کے قتل کر دیا گیا تھا۔