پاکستان کی موجودہ سیاسی صورتحال کے بعد اب عوام کے ساتھ ساتھ اداکار بھی کھل کر پی ٹی آئی کو سپورٹ کرتے دکھائی دے رہے ہیں۔

سوشل میڈیا پر وومن ونگ پی ٹی آئی کی جانب سے ایک ویڈیو شئیر کی گئی ہے جس میں مشہور اداکارہ لیلیٰ زبیری پاکستان تحریک انصاف کے پلیٹ فارم سے نوجوان طبقے سمیت پاکستانیوں سے مخاطب ہیں۔

انہوں نے کہا کہ کہ عمران خان 2 جولائی کو اسلام آباد میں جلسہ کر رہے ہیں، وہاں آپ لوگوں نے ضرور آنا ہے، خاص کر ہماری نوجوان نسل اور میری فیملیز اس جلسے میں شرکت کر کے اسے کامیاب بنائیں، کیونکہ ہم پاکستان کے لیے نکل رہے ہیں۔

Advertisement

لیلیٰ زبیری کا وومن ونگ کی ممبر بننے کے بعد پی ٹی آئی کے سینٹرل آفس سے عوام کیلئے خان صاحب کی دو جولائی کی کال کے حوالے سے اہم پیغام۔ pic.twitter.com/RHHEpIfVYL

— Women Wing PTI (@WomenwingPTI) June 27, 2022

لیلیٰ زبیری کا کہنا تھا کہ ہم ملک میں جاری مسائل کے خلاف نکل رہے ہیں، مہنگائی کو دیکھیں آسمان پر پہنچ گئی ہے، دنیا سے ہمارے تعلقات کٹتے جا رہے ہیں، ہامری معیشت گر رہی ہے۔

واضح رہے لیلیٰ زبیری نے 2014 میں پاکستان تحریک انصاف میں شمولیت اختیار کی تھی تاہم اب پی ٹی آئی وومن ونگ کے مطابق وہ وومن ونگ کی ممبر بھی بن گئی ہیں۔