بالی ووڈ اداکارہ سونم کپورماں جیسے اہم ترین عہدے پر فائز ہونے کو تیار ہیں، لیکن حاملہ ہونے کے باوجود ان کی خوبصورتی میں کوئی کمی نہیں آئی ہے، بلکہ مزید نکھار پیدا ہوگیا ہے۔

اداکارہ سونم کپور نے فوٹو اینڈ ویڈیو شئیرنگ ایپ انسٹاگرام اسٹوری پر اپنی تصویر پوسٹ کی ہیں۔

انسٹاگرام اسٹوری پر اداکارہ کی جانب سے پوسٹ کی جانے والی تصاویر میں انہیں سیاہ لباس میں دیکھا جا سکتا ہے۔

اداکارہ ان دنوں فلموں سے زیادہ اپنی ذاتی زندگی کو لے کر موضوع بحث بنی ہوئی ہیں۔

جلد ہی ماں بننے کا سُکھ پانے والی سونم کپور نے جب سے اپنے حاملہ ہونے کی خوشخبری مداحوں کے ساتھ شیئر کی ہے، تب سے وہ ایک کے بعد ایک فوٹو شوٹ کرا رہی ہیں۔

سونم آئے دن اپنی کوئی نہ کوئی تصویر یا ویڈیو سوشل میڈیا پر شئیر کرتی رہتی ہیں۔

اس سے قبل اداکارہ کے شوہر آنند آہوجا نے اپنی اہلیہ سونم کی ایک ویڈیو شیئر کی تھی۔

ویڈیو میں سونم کپور کاؤچ پر لیٹی ہوئی آرام کرتی نظر آرہی ہیں۔

علاوہ ازیں اپنی شادی کی سالگرہ کے موقع پر سونم کپور اور آنند آہوجا نے سوشل میڈیا پر کچھ خاص تصاویر شیئر کیں۔

آنند آہوجا نے تصویر کے ساتھ کیپشن میں لکھا، ‘6 سال سے گرل فرینڈ، 4 سال سے بیوی اور اس سال حمل کے شروعاتی دن۔ سالگرہ مبارک ہو’.

اداکارہ نے 21 مارچ کو اپنے شوہر آنند آہوجا کے ساتھ حاملہ ہونے کا اعلان کیا تھا ۔

دریں اثنا اداکارہ کا ایک اور نیا میٹرنٹی فوٹوشوٹ منظر عام پر آیا ہے، جس میں وہ انتہائی گلیمرس لگ رہی ہیں۔

سونم کے والد انیل کپور نے یہ خوشخبری ملتے ہی خوبصورت انداز میں اپنے ردعمل اک اظہار کرتے ہوئے لکھا تھا کہ ‘میں نے اپنی زندگی کے سب سے دلچسپ کردار نانا جان بننے کی تیاری شروع کر دی ہے۔ سونم آپ کو اندازہ بھی نہیں ہوگا کہ یہ خبر دے کر آپ نے مجھے کتنی خوشی دی ہے۔’

ایک انٹرویو میں جب انیل کپور سے پوچھا گیا کہ سونم کیسی ماں بنیں گی؟ تو اس سوال کے جواب میں بغیر کسی ہچکچاہٹ کے انیل نے اپنی پیاری بیٹی کو پرفیکشنسٹ بتایا۔