بالی ووڈ کی لیجنڈری اداکارہ ممتاز بھی پاکستانی اداکار احسن خان کی مداح نکلیں۔

اداکارہ ممتاز نے اپنے تصدیق شدہ اکاؤنٹ انسٹاگرام پر ایک دلچسپ ویڈیو شیئر کی جس میں انہیں اسکرین پر احسن خان اور عائشہ عمر کی نئی آنے والی فلم کا ایک گانا سنتے دیکھا جا سکتا ہے۔

اس ویڈیو میں اداکارہ ،احسن خان کا گانا دیکھ کر کہتی ہیں کہ واہ تم کتنے ہینڈسم لگ رہے ہو کاش میں 20 سال جوان ہوتی۔

ویڈیو میں احسن خان کی آواز بھی سنی جا سکتی ہے جس سے یہ ظاہر ہوتا ہے کہ وہ ممتاز عسکری کے ساتھ وہیں موجود ہیں۔

واضح رہے کہ احسن خان اور عائشہ عمر کی نئی فلم  24 جون کو سنیما گھروں کی زینت بنے گی۔