ہالی ووڈ کے معروف اداکار جونی ڈیپ اور ان کی سابقہ اہلیہ ایمبر ہرڈ کے کیس کا فیصلہ آگیا۔

اداکار جونی ڈیپ نے فیصلہ آنے کے بعد اپنی پہلی پوسٹ شیئر کی جس میں اُنہوں نے امریکی جیوری کا شکریہ ادا کیا۔

تاہم اب اداکار جونی ڈیپ نے سابقہ اہلیہ ایمبر ہرڈ کے خلاف ہتک عزت کا مقدمہ جیتنے کے بعد راحت کی سانس لی۔

چھ ہفتے طویل مقدمے کی سماعت میں دونوں فریقوں کی جانب سے بہت سے الزامات سامنے آئے۔

اداکار نے بتایا کہ اُنہوں نے لڑائی کیوں شروع کی۔

جانی ڈیپ نے مقدمہ جیتنے کے بعد سوشل میڈیا پر جاری کیے گئے اپنے بیان میں کہا کہ ’چھ سال پہلے، میری زندگی، میرے بچوں کی زندگی، میرے قریب ترین لوگوں کی زندگیاں، اور ان لوگوں کی زندگیاں، جنہوں نے کئی سالوں سے میرا ساتھ دیا اور مجھ پر یقین کیا، پلک جھپکتے ہی ہمیشہ کے لیے بدل گئیں۔‘

اداکار نے کہا کہ ’میڈیا کے ذریعے مجھ پر جھوٹے، انتہائی سنگین اور مجرمانہ الزامات لگائے گئے جس سے نفرت انگیز مواد کا ایک نہ ختم ہونے والا سلسلہ شروع ہوا جس سے میری زندگی اور کیریئر پر گہرہ اثر پڑا۔‘

جانی ڈیپ نے عدالتی فیصلے پر کہا کہ ’چھ سال بعد، جیوری نے مجھے میری زندگی واپس دے دی، جس کے لیے میں ان کا بے حد شکرگزار ہوں۔

انہوں نے مزید کہا کہ ’مجھے معلوم تھا کہ اس کیس کی پیروی کے دوران مجھے کن مشکلات اور رکاوٹوں کا سامنا کرنا پڑے گا‘۔

اداکار جونی نے کہا کہ اس کیس کو عدالت میں لانے کا میرا مقصد ابتداء سے ہی حقیقت کو ظاہر کرنا تھا، چاہے نتیجہ کچھ بھی ہوتا۔

انہوں نے کہا کہ میں امید کرتا ہوں کہ میرے کیس سے دوسرے مردوں یا عورتوں کو، جنہوں نے خود کو میرے حالات میں پایا ہے، مدد ملی ہوگی۔

اداکار نے کہا کہ بہتری ابھی آنا باقی ہے اور آخر کار ایک نیا باب شروع ہو گیا ہے، سچائی کبھی ختم نہیں ہوتی۔

امریکی ریاست ورجینیا کی جیوری نے جونی ڈیپ کیس کا فیصلہ سنادیا جس کے مطابق جونی ڈیپ کو بہت بدنام کرنے پر سابقہ اہلیہ ہرڈ 15 ملین ڈالر جرمانہ دیں گی۔

 جبکہ ایمبر ہرڈ پر غلط الزام لگانے پر ڈیپ سابقہ بیوی کو 2 ملین ڈالر دیں گے۔

گزشتہ روز اداکار جونی ڈیپ نے خود پر لگنے والے الزامات کے جواب میں کہا تھا کہ ’مجھ پر لگائے گئے گھریلو تشدد اور جنسی ہراسانی کے الزمات نہایت سفاکانہ ہیں۔‘

واضح رہے کہ 58 سالہ جونی ڈیب کی 36 سالہ امبر ہرڈ سے 2015ء میں شادی ہوئی تھی جو کہ صرف 2017ء تک ہی چل سکی تھی۔

امبر ہڑد نے 2016ء میں اپنے شوہر جونی ڈیپ پر گھریلو تشدد کا الزام لگاتے ہوئے اُن کے خلاف مقدمے کا آغاز کیا تھا۔

یاد رہے کہ کیٹ ماس نے بھی سابق بوائے فرینڈ جونی ڈیپ پر لگنے والے الزامات کی تردید کر دی۔

گزشتہ روز جانی ڈیپ کے امبر ہرڈ کے خلاف دائر کیے گئے ہتک عزت کیس کی سماعت کے دوران جانی ڈیپ کی سابقہ گرل فرینڈ کیٹ ماس نے بھی ویڈیو لنک کے ذریعے جونی کے حق میں گواہی دے دی۔

امریکی ماڈل نے اپنے سابق بوائے فرینڈ کے اوپر لگنے والے الزامات مسترد کرتے ہوئے کہا کہ ’امبر ہرڈ کی جانب سے جونی ڈیپ پر لگائے گئے الزامات جھوٹے ہیں۔

انہوں نے کہا کہ اُن کا یہ دعویٰ بھی جھوٹا ہے کہ مجھے جونی نے سیڑھیوں سے دھکا دیا تھا۔

اس کیس کے حوالے سے کیٹ ماس کا کہنا تھا کہ ’جمیکا کے سفر کے دوران میں بارش کے سبب کچھ سیڑھیوں سے نیچے پھسل گئی تھی اور میری کمر میں چوٹ آئی تھی۔

امریکی ماڈل کیٹ ماس نے بتایا کہ چوٹ لگنے کی صورت میں تو اسجونی ڈیپ نے میری کافی طبی مدد کی تھی۔

انہوں نے مزید کہا کہ جونی ڈیپ کی اہلیہ امبر ہرڈ کا یہ دعویٰ کرنا بھی غلط اور جھوٹ ہے کہ اُن کی اور میری کہانی ایک جیسی ہے۔

واضح رہے کہ کیٹ ماس نے کہا کہ جونی کی اہلیہ کی جانب سے دیے جانے والا بیان کے ہم دونوں ہی جونی کی جانب سے تشدد کا شکار ہوئیں ہیں یہ الزام سراسر غلط اور  جھوٹ ہے۔