پاکستان شوبز انڈسٹری کے معروف گلوکار نے ہالی ووڈ کے معروف اداکار جانی ڈیپ کی کامیابی پر ردّعمل دے دیا۔

گلوکارعلی ظفر نے کہا کہ میری حقیقی ہمدردی جانی ڈیپ کے ساتھ ہے کیونکہ وہ جس چیز سے گزرے ہیں، میں اس کا ایک فیصد ہی سمجھ سکتا ہوں۔

گلوکار نے کہا کہ حقیقت یہ ہے کہ کوئی بھی فیصلہ یا رقم جانی ڈیپ کو اُن کی زندگی کے 6 اہم سال واپس نہیں دے سکتی۔

علی ظفر نے بات جاری رکھتے ہوئے کہا کہ جو 6 سال مشکل میں گُزرے، اُس میں وہ فن تیار کرسکتے تھے جس سے وہ اپنے مداحوں کے چہروں پر مسکراہٹیں لا سکتا تھا۔

واضح رہے کہ ہالی ووڈ اداکار جانی ڈیپ کو اپنی سابقہ اہلیہ ایمبر ہرڈ کی جانب سے دائر کیے گئے ہتک عزت کے کیس میں فتح ہوئی۔

یاد رہے کہ 58 سالہ جونی ڈیب کی 36 سالہ امبر ہرڈ سے 2015ء میں شادی ہوئی تھی جو کہ صرف 2017ء تک ہی چل سکی تھی۔

امبر ہڑد نے 2016ء میں اپنے شوہر جونی ڈیپ پر گھریلو تشدد کا الزام لگاتے ہوئے اُن کے خلاف مقدمے کا آغاز کیا تھا۔

یاد رہے کہ کیٹ ماس نے بھی سابق بوائے فرینڈ جونی ڈیپ پر لگنے والے الزامات کی تردید کر دی۔

گزشتہ روز جانی ڈیپ کے امبر ہرڈ کے خلاف دائر کیے گئے ہتک عزت کیس کی سماعت کے دوران جانی ڈیپ کی سابقہ گرل فرینڈ کیٹ ماس نے بھی ویڈیو لنک کے ذریعے جونی کے حق میں گواہی دے دی۔

امریکی ماڈل نے اپنے سابق بوائے فرینڈ کے اوپر لگنے والے الزامات مسترد کرتے ہوئے کہا کہ ’امبر ہرڈ کی جانب سے جونی ڈیپ پر لگائے گئے الزامات جھوٹے ہیں۔

انہوں نے کہا کہ اُن کا یہ دعویٰ بھی جھوٹا ہے کہ مجھے جونی نے سیڑھیوں سے دھکا دیا تھا۔

اس کیس کے حوالے سے کیٹ ماس کا کہنا تھا کہ ’جمیکا کے سفر کے دوران میں بارش کے سبب کچھ سیڑھیوں سے نیچے پھسل گئی تھی اور میری کمر میں چوٹ آئی تھی۔

امریکی ماڈل کیٹ ماس نے بتایا کہ چوٹ لگنے کی صورت میں تو اسجونی ڈیپ نے میری کافی طبی مدد کی تھی۔

انہوں نے مزید کہا کہ جونی ڈیپ کی اہلیہ امبر ہرڈ کا یہ دعویٰ کرنا بھی غلط اور جھوٹ ہے کہ اُن کی اور میری کہانی ایک جیسی ہے۔

واضح رہے کہ کیٹ ماس نے کہا کہ جونی کی اہلیہ کی جانب سے دیے جانے والا بیان کے ہم دونوں ہی جونی کی جانب سے تشدد کا شکار ہوئیں ہیں یہ الزام سراسر غلط اور  جھوٹ ہے۔