پاکستان کی ابھرتی ہوئی اداکارہ شہزین راحت مداحوں کو اپنی بیماری سے متعلق بتاتے ہوئے آبدیدہ ہو گئیں۔

اداکارہ بھی ایک عام انسان کی طرح ذہنی تناؤ اور انزائٹی سے جنگ لڑ رہی ہیں جیسے اس ویڈیو میں دیکھا جاسکتا ہے کہ شہزین بھری ہوئی آنکھوں کے ساتھ سو کر اٹھتی ہیں اور روزمرہ کے کام انجام دیتے ہوئے رو پڑتی ہیں۔

اس ویڈیو کو شئیر کرتے ہوئے انہوں نے بتایا کہ دوستوں آپ نہیں جانتے کہ کون زندگی میں کس مشکل وقت سے گزر رہا ہے اس لیے لوگوں سے ہمدردی سے پیش آئیں۔

اداکارہ نے کہا کہ ہم دنیا میں ایک دوسرے کے لئے محبت اور برداشت کے جذبات پیدا کرکے لوگوں کی زندگی آسان کرسکتے ہیں۔

واضح رہے کہ اداکارہ شہزین راحت نے یہ ویڈیو اپنے سوشل میڈیا اکاؤنٹ پر شئیر کی ہے اور یہ ویڈیو بنانے کا مقصد یہ تھا کہ ذہنی تناؤ کیا ہوتا ہے؟ اور میں اس سے کس طرح نمٹتی ہوں۔