معروف پاکستانی اداکار، ڈائریکٹر اور پروڈیوسر تنویر جمال کی طبیعت ناساز ہونے کی وجہ سے انہیں جاپان کے اسپتال منتقل کردیا گیا ہے۔

اہل خانہ کے مطابق تنویر جمال کینسر کے مریض ہیں، ان کے چاہنے والے اداکار کے لیے دعا کریں۔

یاد رہے کہ تنویر جمال 2016 میں پہلی دفعہ کینسر کے مرض کا شکار ہوئے تھے تاہم علاج کے بعد صحتیاب ہوگئے تھے لیکن چند ماہ قبل انہیں پھر سے یہ تکلیف ہوئی اور ایک بار پھر کینسر کی تشخیص ہوئی جس سے ان کی صحت کافی متاثر ہوئی۔

تنویر جمال گزشتہ 35 برسوں سے اپنی شاندار اداکاری کے ذریعے پاکستان میں اہم مقام رکھتے ہیں، ان کی بہترین اداکاری پر پی ٹی وی کی جانب سے انہیں بیسٹ ایکٹر ایوارڈ سے بھی نوازا جاچکا ہے۔