بالی ووڈ کے معروف اداکار شاہ رخ خان نے اپنے موجودہ پسندیدہ گانے کے بارے میں بتادیا۔

اداکارشاہ رخ خان نے انسٹاگرام لائیو کے دوران اپنے پرستاروں کے سوال پسندیدہ گانے کے بارے میں بھی بتایا۔

شاہ رخ کا پسندیدہ گانا پتہ لگو گا گلوکار اے پی ڈھلون اور گورندر گل نے گایا ہے۔

اس گیت کی پسندیدگی کے حوالے سے کنگ خان کا کہنا تھا کہ انہیں دہلی میں رہائش کے دوران جو تھوڑی بہت پنجابی بولنا آئی ہے، اس میں ہم کہتے ہیں کہ تینوں لگو گا اور پتہ لگو گا، تو اسی لیے مجھے یہ گانا بہت پسند آیا ہے۔

انہوں نے گانے کے حوالے سے مزید کہا کہ یہ بہت کول سونگ ہے اور مجھے لفظ پتہ لگو گا بہت اچھا لگا۔

یاد رہے کہ شاہ رخ خان نے آئندہ برس جنوری میں ریلیز ہونے والی فلم پٹھان کا پوسٹر اختتام ہفتہ (25 جون) پر جاری کیا تھا۔

فلم پٹھان، چار برس بعد جاری ہونے والی شاہ رخ خان کی پہلی فلم ہوگی۔

 تاہم آئندہ برس اداکار شاہ رخ خان  کی تین فلمیں پٹھان، جوان اور ڈنکی ریلیز ہوں گی۔

واضح رہے کہ اداکار شاہ رخ خان نے 2018  میں آخری فلم ’زیرو‘ کی تھی۔