ہالی ووڈ اداکارہ امبر ہرڈ کو نے شادی کی پیشکش سعودی شخص نے کردی۔

غیر ملکی خبر رساں ادارے کے مطابق امبر ہرڈ جوکہ ورجینیا میں ہتک عزت کا مقدمہ ہارنے کے بعد اب اپنے سابق شوہر، اداکار جانی ڈیپ کے 15 ملین ڈالر کی مقروض ہیں۔

سوشل میڈیا پر ایک وائس نوٹ وائرل ہورہا ہے جس میں ایک آدمی کو عربی میں یہ کہتے ہوئے سنا جاسکتا ہے کہ’ امبر، چونکہ تمام دروازے آپ پر بند ہو رہے ہیں، اس لیے آپ کے پاس اب میرے سوا کوئی نہیں جوکہ آپ کی دیکھ بھال کرے۔‘

اس سعودی شخص نے مزید کہا کہ’میں نے دیکھا ہے کہ کچھ لوگ آپ سے نفرت کرتے ہیں اور آپ سے بدتمیزی کرتے ہیں، اس لیے میں نے آپ سے شادی کرنے کا فیصلہ کیا ہے۔‘

اس شخص نے مزید کہا کہ’اللّٰہ ہم دونوں کو خوش رکھے، تم ایک نعمت ہو لیکن لوگوں کو قدر نہیں، میں آپ کے لیے اس بوڑھے آدمی سے بہتر ہوں۔‘

واضح رہے کہ اداکار جانی ڈیپ نے اپنی سابقہ اہلیہ، اداکارہ امبر ہرڈ کے خلاف واشنگٹن پوسٹ کے لیے لکھے گئے ایک آرٹیکل پر مقدمہ دائر کیا تھا، جس میں امبر ہرڈ نے جانی ڈیپ پر گھریلو تشدد کا الزام لگایا تھا۔