بالی ووڈ کے مشہور گلوکار ایک گانے کا بھاری معاوضہ وصول کرتے ہیں جن کے بارے میں آج ہم آپ کو بتائیں گے۔

نیہا ککڑ نے انڈین آئیڈل سے اپنے سفر کا آغاز کیا تھا جو آج ان گلوکاروں میں شامل ہیں جنہیں صفِ اول کی گلوکارہ سمجھا جاتا ہے۔

گلوکارہ فلموں میں اپنے ایک گانے کے 10 سے 15 لاکھ روپے وصول کرتی ہیں۔

ابھی تو پارٹی شروع ہوئی ہے کے گلوکار ادیتیا پراتیک سنگھ المعروف بادشاہ اپنے ایک گانے کا 20 لاکھ روپے معاوضہ وصول کرتے ہیں۔

ارجیت سنگھ ان چند گلوکاروں میں سے ایک ہیں جنہوں نے بہت ہی کم عرصے میں مداحوں کے دلوں میں اپنی جگہ بنائی۔

بھارتی میڈیا کے مطابق ارجیت سنگھ اپنے ایک گانے کے 15 لاکھ بھارتی روپے لیتے ہیں۔

کوئل جیسی آواز اور کئی ایوارڈز اپنے نام کرنے والی شریا گھوشال نے بہت چھوٹی عمر سے بالی وڈ کی فلموں میں گیت گانے شروع کردیے تھے۔

بھارتی میڈیا رپورٹس کے مطابق گلوکارہ اپنے ایک گانے کے 20 سے 25 لاکھ روپے لیتی ہیں۔

دم دار آواز والی سنیدھی چوہان کو جوشیلی گلوکارہ کے نام سے بھی جانا جاتا ہے، وہ اپنے ایک گانے کے 10 سے 15 لاکھ بھارتی روپے معاوضہ لیتی ہیں۔

پراتیک بچن المعروف بی پراک اپنے ایک گانے کے 10 سے 15 لاکھ وصول کرتے ہیں۔