معروف بھارتی گلوکار اور اداکار روپندر سنگھ گریوال المعروف گپی گریوال نے ہمایوں سعید اور مہوش حیات کی نئی آنے والی فلم لندن نہیں جاؤں گا کے لیے نیک خواہشات کا اظہار کیا ہے۔

اداکار نے اپنے ٹوئٹ میں ہمایوں سعید سے مخاطب ہوتے ہوئے لکھا کہ بھائی، فلم لندن نہیں جاؤں گا کا ٹریلر بہت زبردست ہے۔

https://twitter.com/MehwishHayat/status/1537359188489273345?ref_src=twsrc%5Etfw%7Ctwcamp%5Etweetembed%7Ctwterm%5E1537359188489273345%7Ctwgr%5E%7Ctwcon%5Es1_&ref_url=https%3A%2F%2Fjang.com.pk%2Fnews%2F1100342

ساتھ ہی گپی گریوال نے اداکارہ مہوش حیات کو بھی ٹوئٹ میں ٹیگ کرتے ہوئے فلم کے لیے نیک خواہشات کا اظہار کیا۔

مہوش حیات نے گپی گریوال کا شکریہ ادا کرتے ہوئے اُن کی آنے والی نئی فلم کے لیے بھی نیک تمناؤں کا اظہار کیا۔

یاد رہے کہ فلم لندن نہیں جاؤں گا کا اسکرپٹ خلیل الرحمٰن قمر نے لکھا ہے جس میں اداکار ہمایوں سعید ،اداکارہ مہوش حیاتاور کبریٰ خان سمیت دیگر بھی اپنی اداکاری کے جوہر دکھاتے نظر آئیں گے۔