بالی ووڈ کی معروف اداکارہ کرشمہ کپور نے دوسری شادی کے حوالے سے بتادیا۔

کرشمہ کپور آج اپنی 48 ویں سالگرہ منا رہی ہیں جس پر مداحوں کی جانب سے اُن کے لیے نیک خواہشات کا اظہار کیا جارہا ہے۔

گزشتہ دنوں اداکارہ نے انسٹاگرام پر اپنے مداحوں کے لیے سوال و جواب کا ایک سیشن رکھا۔

ایک مداح نے ان سے سوال کیا کہ وہ دوبارہ شادی کریں گی یا نہیں۔

جواب میں کرشمہ کپور نے ایک تصویر شیئر کی جس میں خاتون کافی اُلجھن میں نظر آرہی ہیں جس سے اندازہ لگایا جاسکتا ہے کہ وہ شادی کے لیے دوسرے حالات پر انحصار کرتی ہیں۔

واضح رہے کہ اداکارہ کرشمہ کپور بالی ووڈ کی ایک لازوال اداکارہ ہیں اور انکی اپنے سابق شوہر سنجے کپور سے ہونے والی طلاق بڑی تکلیف دہ انداز میں ہوئی تھی۔